السلام عليكم ورحمة الله وبركاته
حبيت اقدم لكم خدمه بسيطه
وهي طريقة برمجة ريموت الفورد( كراون فكتوريا و القراند ماركيز)
طبعا بدال نصب راعين الورش وتقعد السياره عندهم نص ساعه او ساعه
المهم هذي البرمجه وماتاخذ اكثر من دقيقه وانا بعد ماتعلمتها برمجت ريموت سياره أحد اصدقائي (ماركيز2004)
وتبرمجمت معي
طبعا البرمجه برمجة الريموت الاصلي و تشمل الفل ونص الفل (الموجود بها ارقام بالباب) واللي لها ريموت
فقط امسك الريموت وعلق على اي زر مثلا زر اغلاق الابواب
وادخل المفتاح بالسويتس وشغل لمبات العداد وطف بحركه سريعه شغل وطف طبعا مو تشغل السياره
فقط تشغل لمبات العداد يعني ماباقي لك غير دقه وتشغل السياره
بحركه سريعه شغل لمبات العداد وطف شغل وطف بحركه سريعه ولاتنسى تكون معلق على اي زر من ازرار الريموت
واستمر شغل لمبات العداد وطف الين تسمع قفلة الابواب( اذا كنت ضاغط عليها بالريموت )
وبكذا انتهت البرمجه
وجرب ازرار الريموت اللي يفتح الشنطه والمنبه (البوري) واللي يفتح ويغلق الابواب راح تلقاها شغاله بإذن الله
......
المصيبة بعض الورش تاخذ على البرمجة
تقريباً 100 ريال
وبالوكاله سعر البرمجه ب 140 ريال
ولاتنسون انها تشمل الكراون فكتوريا والماركيز
طبعا الستاندر مايجي لها ريموت
اتمنى ان المعلومة واضحه
لكم مني اجمل تحية
